ЖАҢАЛЫҚТАР

Мемлекет жеңілдікке ие 15 санаттағы азаматтар үшін МӘМС жарнасын төлейді, олардың жалпы саны - 11 млн қазақстандық. Егер сіз жеңілдікке ие санаттың біріне енетін болсаңыз, автоматты түрде МӘМС жүйесіне қатысушы атанасыз.

1 Наурыз "Бұл күн барлық қазақстандықтардың бір-біріне деген мейірімділігінің, достығы мен махаббатының жарқын мерекесі бола алады"!

Алғыс айту күні қарсаңында біздің емханада Ашық есіктер күні өтті.

Мамандар 59 пациентті тексерді.  Науқастар эндокринолог, невропатолог, кардиолог, реабилитолог, уролог, гинеколог, психолог, әлеуметтік қызметкер сияқты мамандардан кеңес алды.

2021 жылғы 25 ақпанда ШЖҚ «№3 қалалық емхана» МКК эпидемиолог дәрігері Қ.Ш. Баймуканова Дүниежүзілік туберкулезге қарсы күрес күніне арналған айлық шеңберінде медицина қызметкерлеріне арналған «Туберкулездің эпидемиологиясы, клиникасы және алдын алуы» атты семинарын өткізді. Семинар барысында туберкулезге қатысты жаңа қабылданған нормативтік-құқықтық актілер талқыланды. Семинардың мақсаты: жаңа нормативтік-құқықтық актілермен таныстыру, туберкулездің алдын-алу шараларын жүргізудің, туберкулезбен науқастанған амбулаториялық пациенттерді қатаң бақылауға алудың қажеттілігін түсіндіру.#МенТуберкулездіЖоюғаҚатысамын.

2021 жылдың 25 ақпанында «Жас Толқын» Жастар денсаулық орталығының акушер-гинеколог дәрігері Д.М.Түсіпбекова «Отбасының заманауи қоғамдағы орны» тақырыптарында жас отбасылармен семинар өткізді. Семинардың басты мақсаты: жастарды отбасы түсінігімен таныстыру, отбасы құндылықтарын дұрыс таңдауға және өзара қарым-қатынасын нығайтуға, қолдау көрсетуге және кикілжіңдерді шешуге бағытталған әдіс-тәсілдермен таныстыру болып табылады. Отбасы, біріншіден, шағын әлеуметтік топ ретінде қарастырылатындықтан, қоғамда коммуникация, яғни отбасы мүшелері арасындағы қарым-қатынас, билік және көшбасшылық мәселелеріне, жанжалдарды шешуге, әлеуметтік орталармен топаралық өзара әрекеттесулерге байланысты сұрақтар талқыланды. Әр бала атаның қаны­­мен, ананың сүтімен келетін туабітті қа­сиеттер сияқты ұлттық рухани құн­дылықтарды да ең алдымен отбасында ата-ананың тәрбиесімен бойына сіңіретіндіктен, бұл семинарда балалардың жеке даралық қасиеттерін қалыптастыруға бағытталған, саналы да парасатты істерге негізделген үздіксіз тәрбиелеу мәселесі де қарастырылды.