Қазіргі уақытта сыбайлас жемқорлыққа қарсы іс-қимыл агенттігінің Астана қаласы бойынша департаменті «Smart Astana» мобильдік қосымшасын қолдануды жүзеге асыруда.

Бұл әмбебап құрал енді елорда азаматтарына кез келген сыбайлас жемқорлық фактілері туралы тез және жасырын түрде хабарлауға мүмкіндік беретін «Stop сыбайлас жемқорлық» функциясын қамтиды. Осылайша, өз құқықтарын қорғау және әділ қоғам құру принциптеріне ықпал етеді. 

Тегін не алуға болады-МӘМС

МӘМС жүйесінде сақтандырылған адамдар міндетті әлеуметтік медициналық сақтандыру ұсынатын медициналық көмектің кеңейтілген спектріне ие болады.

МӘМС келесі медициналық қызметтерді қамтиды:

• профилактикалық медициналық тексерулер;
• учаскелік дәрігердің нұсқауы бойынша арнайы маманданған дәрігердің қабылдауы және кеңес беруі;
• созылмалы дертке шалдыққан жандардың бейінді мамандардың бақылауында болуы;
• уәкілетті орган бекіткен тізбе бойынша халықтың жекелеген санаттарына шұғыл және жоспарлы нысанда стоматологиялық көмек көрсету;
• халықтың белгілі бір категориясына шұғыл және жоспарлы түрде стоматологиялық көмек көрсету;
• диагностикалық қызметтер, оның ішінде лабораториялық диагностика (УЗИ, рентген, КТ, МРТ);
• мамандандырылған, оның ішінде жоғары технологиялы, стационарлық медициналық көмек;
• медициналық оңалту;
• стационарда мамандандырылған медициналық көмек көрсету кезінде дәрі-дәрмекпен қамтамасыз ету.

ТМККК және МӘМС-ға дәрілік көмек

Денсаулық сақтау саласындағы нормативтік құқықтық актілер ел халқы белгілі бір аурулар болған кезде ТМККК және МӘМС қаражаты есебінен амбулаториялық деңгейде дәрілік заттар мен медициналық бұйымдарға сене алатынын регламенттейді. ҚР ДСМ 2021 жылғы 5 тамыздағы №75 бұйрығымен бекітілген жай-күй атаулары мен дәрілік заттардың тізбесімен мыне жерден танысуға болады

Әлеуметтік медициналық сақтандыру жүйесіне көшу ересектер мен 18 жасқа дейінгі балаларға арналған тегін дәрілік заттардың тізімін едәуір кеңейтуге мүмкіндік берді. Атап айтқанда, амбулаториялық тізбеге қосымша келесі ауруардың (жай-күй) атаулары енгізілді:

• жұқпалы және паразиттік аурулар (Лайма ауруы, желшешек, микоз, токсоплазмоз және т.б);
• ас қорыту ауруалары (Целиакия, тас ауруы, холецистит/холангит және т.б.);
• эндокриндік бұзылулар (аминқышқылдарының тасымалдануының бұзылуы);
• жүйке жүйесінің аурулары (Альцгеймер ауруы, бассүйек нервілерінің зақымдануы, Дюшен бұлшықет атрофиясы және т.б.);
• көру органдарының қабыну және қабыну емес аурулары (жедел/созылмалы блефарит, конъюктивит, галукома және т.б);
• қан айналымы жүйесінің аурулары (біріншілік өкпе гиперплазиясы, инфекциялық эндокардит және т.б)
•  таныс алу органдарының аурулары (жоғарғы және төменгі тыныс жолдарының жедел респираторлық инфекциялары, синусит, бадамша бездер және аденоидтардың аурулары, вазоматорлы және аллергиялық ринит).

Бүгінгі күні амбулаториялық деңгейде ТМККК шеңберінде дәрілік заттар мен медициналық бұйымдардың 347 атауы бойынша 49 аурулар (жай-күйлер), МӘМС жүйесінде дәрілік заттар мен медициналық бұйымдардың 265 атауы бойынша 79 аурулар (жай-күйлер) қамтамасыз етіледі.

Дәрі-дәрмектерді алу үшін пациент өзінің учаскелік дәрігеріне (медбикеге) баруы керек. Учаскелік дәрігер/медбике науқастың жағдайын бағалайды және қажет болған жағдайда дәрі-дәрмектерді алуға рецепт жазады. Рецептпен сіз жеке басын куәландыратын құжатпен емхананың дәріханасына баруыңыз керек.

2022 жылы амбулаториялық дәрі-дәрмекпен қамтамасыз етуге 140,3 млрд теңге, оның ішінде МӘМС жүйесінде 45 млрд теңге қарастырылған.

Естеріңізге сала кетейік, жедел, стационарлық және стационарды алмастыратын көмек көрсету кезінде барлық дәрілік заттар тегін беріледі.

Шетелде қалай емделуге болады

Пациенттерді шетелде емделуге жіберу Қазақстанда жеткілікті дамымаған немесе мүлдем жүргізілмейтін жоғары технологиялық медициналық қызметтердің қолжетімділігін қамтамасыз ету үшін жүзеге асырылады. Бағдарлама 2012 жылдан бастап жұмыс істейді.

Шетел клиникаларында емдеу іс-шаралары бюджет қаражаты есебінен Қазақстан Республикасы Денсаулық сақтау министрінің 2021 жылғы 26 мамырдағы ҚР ДСМ 45 бұйрығымен бекітілген Қағидаларға сәйкес жүргізіледі.

ТМККК шеңберінде шетелде емделетін аурулардың тізіміне мыналар кіреді:

1. Мидың хирургиялық қол жетпейтін функционалды маңызды аймақтарында орналасуына байланысты радиохирургиялық емдеу әдісін (гамма-пышақ) қажет ететін артериовеноздық мальформациялар мен ісіктер.
2. Эндоваскулярлық емдеуге арналған ми діңі, жұлын тамырларының артериовенозды мальформациялары және артериялық аневризмдер.
3. Трансоральды алып тастау үшін бас сүйегінің негізінің ісіктері.
4. Радиохирургиялық емдеуді қажет ететін көздің қатерлі ісіктері (гамма-пышақ, радиоактивті аппликаторлар).
5. Кератопротездеу.
6. Ересектер мен балалардың гемопоэздік дің жасушаларын аутологиялық және туыстық транспланттауды қоспағанда, тіндерді (тіннің бөлігін) немесе ағзаларды (ағзалардың бөлігін) транспланттауды талап ететін аурулар, Қазақстан Республикасында талап етілетін технологиялардың болмауына байланысты емдеудің осы әдістемесі орындалмайтын аурулардан басқа, сондай-ақ мөлдір қабықты транспланттау.
7. Көмейдің стенозы.
8. Кеңірдек стенозы.
9. Lu (лютеций) 177 изотопымен радионуклидтік терапиямен нейроэндокриндік ісіктер.

Мемлекет есебінен шетелге емделуге жіберуден мынадай жағдайларда рұқсат берілмеуі мүмкін егер:

• қажетті процедура/манипуляция арқылы Қазақстанда емделуге болатын болса;
• пациент ауыр жағдайда болса және медициналық араласу оң нәтиже бермесе;
• пациент тасымалдауға жарамаса;
• пациенттің ауруына қатысты тиімді емдеу әдістері болмаған жағдайда.

Квота алу үшін пациент республикалық денсаулық сақтау ұйымына жүгіну қажет, ол өз қорытындысын, сондай-ақ құжаттар топтамасын – жеке куәлік көшірмесін, пациенттің ауру тарихының көшірмесін және кемінде 3 (үш) отандық және (немесе) шетелдік медициналық ұйымдардың жетекші бейінді мамандарының қатысуымен консилиум шешімін, ӘМСҚ базасында жұмыс істейтін шетелді емдеуді ұйымдастыратыру жөніндегі комиссияның Жұмыс органының қарауына ұсынады.

ҚР Денсаулық сақтау министрінің 2022 жылғы 27 сәуірдегі № КР ДСМ-37 бұйрығымен бекітілген амбулаториялық жағдайларда мамандандырылған медициналық көмек көрсету қағидаларының 18-тармағына сәйкес шетелге емделуге жіберу үшін көрсетілімдер анықталған жағдайда ТМККК шеңберінде және (немесе) МӘМС жүйесінде мамандандырылған медициналық көмек алуға жолдама беруді үшінші деңгейдегі мамандар жүзеге асыратының атап өткен жөн.

ҚР 2020 жылғы 7 шiлдедегi № 360-VI «Халық денсаулығы және денсаулық сақтау жүйесі туралы» Кодексінің 116-бабына сәйкес, үшінші деңгей - жоғары технологиялық медициналық көрсетілетін қызметтерді қолдана отырып, мамандандырылған медициналық көмекті жүзеге асыратын бейінді мамандардың амбулаториялық, стационарды алмастыратын және стационарлық жағдайларда, оның ішінде бірінші және екінші деңгейлердегі мамандардың жолдамасы бойынша медициналық көмек көрсету деңгейі.

Шетелді емдеуді ұйымдастыратыру жөніндегі комиссияның Жұмыс органының байланыс ақпараты:

• Шоманова Лаззат Асетқызы – Қызмет басшысы, 8 (7172) 67 46 74, ішкі нөмір 1701, email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.;
• Әбенова Назым Есмуханбетқызы, 8 (7172) 67 46 74, ішкі нөмір 1703, email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.;
• Ғабдуллин Жаслан Мұратұлы, 8 (7172) 67 46 74, ішкі нөмір 1704, email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс..
• Шайкина Эльмира Мырзатқызы, 8 (7172) 67 46 74, ішкі нөмір 1702, email: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.;

Пациенттің құжаттарының толық пакетін алғаннан кейін Жұмыс органы емдеу бағдарламасын және шығыстарды калькуляциялау үшін бейінді шетелдік клиникаларға сұрау жібереді. Жиналған ұсыныстарды жұмыс органы 20 жұмыс күні ішінде ҚР Денсаулық сақтау министрлігінің Сараптама комиссиясының ұарауына жібереді, ол қандай да бір клиниканы таңдау туралы шешім қабылдайды.

Квота барлық қажетті қызметтерді, сондай-ақ пациенттің және оны алып жүрушілерінің көлік шығындарын жабады. Бюджет қаражаты есебінен ақы төленбейді:

• клиникадан тыс жерде тұру;
• сәйкес келетін донорлық органның күту кезеңі;
• емдеу бағдарламасына жатпайтын қосымша медициналық қызметтер және т.б.

Айта кету керек, өз бастамасы бойынша елден тыс жерлерге емделуге кеткен азаматтарға жұмсалған қаражат өтелмейді.

Бюджет қаражаты есебінен шетелге емделуге жіберу процесін ұйымдастыруды жақсарту үшін шетелдік клиникаларда ем алған пациенттер үшін әзірленген сауалнамаға белсенді қатысуды сұраймыз.

Бейнеге сілтеме

💬 «Профильде анамды растайыншы десем, мынадай хабарлама шығып тұр. Емханаға кім баруы керек: мен бе әлде анам ба?»

Ата-анаңызбен туыстық қарым-қатынасты растау үшін емханаға сіз де, сіздің ата-анаңыз да бара алады. Дәл осылай балаңызды растау үшін сіз өзіңіздің ересектер емханасына да, балалар емханасына да хабарласуыңызға болады.

Процедура сәтті аяқталғаннан кейін сіз туысыңыздың профилін өзіңіздің профиліңізбен бірдей басқара аласыз. Сізге мына функциялардың барлығы қолжетімді болады:
✅ Қабылдауға жазылу;
✅ Талдаулар мен диагностикалық зерттеулердің нәтижесін қарау;
✅ Медициналық файлдарды жүктеу және т.б.

Damumed — Медицинаны қолжетімді және жақынырақ етеміз 💚

Медициналық сақтандыру қорының ресми сайты fms.kz

Жедел телефон желісі 1414

Қымбат қызметтерді көрсету шарттары Қымбат қызмет алу үшін: Компьютерлік томография және Магниттік-резонанстық томография пациентке жергілікті дәрігердің қабылдауына жазылуы қажет, егер көрсетілген болса, зерттеуге жолдама береді.

Нұр-Сұлтан қаласы әкімдігінің «№ 3 қалалық емхана» ШЖҚ МКК 2022 жылға арналған қымбат қызмет (КТ, МРТ), көрсетушілерінің тізімі