ЖАҢАЛЫҚТАР

Әрбір адам қай жерде болмасын және өзінің әлеуметтік мәртебесіне қарамастан сапалы және арзан медициналық-санитарлық қызметтерге қол жеткізуге құқылы екендігін еске салу.

COVID-19 пандемиясының қорқынышты ауқымы осындай шараның өте қажет екенін баса айқындап берді.

Қазақстан өз азаматтарына бірден екі пакетке – тегін медициналық көмектің кепілдік берілген көлеміне және медициналық сақтандыруға қолжетімділікті қамтамасыз еткен аз мемлекеттердің бірі.

Бұл ретте мемлекет азаматтардың 15 жеңілдік санатындағы 11 млн адам үшін – балалар мен күндізгі оқу бөлімінің студенттері, жүкті әйелдер, декреттегі әйелдер және көп балалы аналар, зейнеткерлер мен мүгедек адамдар үшін МӘМС-ға аударымдар төлейді.

Достар, сіздермен Қордың Ақпараттық-түсіндіру жұмысы басқармасының басшысы Ирина Подскочаяның сұхбатынан алынған негізгі тезистермен бөлісеміз.

Жарналарды төлеу бойынша міндет Мемлекет басшысы қол қойған «Міндетті әлеуметтік медициналық сақтандыру туралы» заңда көзделген.

Яғни, бұл еліміздің әрбір азаматы, сондай-ақ Қазақстан аумағында жұмыс істейтін ЕАЭО елдерінен келген еңбекші көшіп-қонушы шетелдік азаматтар және олардың отбасы мүшелері жасауға тиіс міндетті төлемдер болып табылады.

Адам жарнаны заңда көзделген міндет болғандықтан ғана емес, өзінің денсаулығы үшін қоғам алдында ортақ жауапкершілікте болғандықтан да төлейді.

Өз қызметкері үшін аударымдар жүргізіп және олардың скринингтік зерттеулерден өтуі үшін жағдай жасай отырып жұмыс беруші, сондай-ақ медициналық көмектің сапасы мен қолжетімділігін арттыруға қамқорлық жасайтын, яғни барлық жағдайларды жасайтын мемлекет те осындай жауаптылықта болады.

Бүгін №3 қалалық емханада Қазақстан Республикасының Тәуелсіздік күніне арналған салтанатты жиын өтті.

Емхана қызметкерлері викториналық сұрақтарға жауап беріп, дұрыс жауаптар үшін тәтті сыйлықтарға ие болды.

Сондай-ақ, «Туым – менің Қазақстаным» республикалық флешмобының аясында республиканың әнұраны орындалып, патриоттық әндер шырқалды.

Қазақстан Республикасы Тәуелсіздігінің 30 жылдығына орай №3 қалалық емханада дәрігерлер, орта және кіші буын қызметкерлері марапатталды.

Қала және облыс әкімдіктері, кәсіподақ ұйымы және тікелей емхана басшылығы атынан медальдар мен төсбелгілер, грамоталар мен алғыс хаттар табыс етілді. Сондай-ақ барлық үміткерлерге естелік сыйлықтар табыс етілді.

Марапатталған әріптестер мен барша елорда тұрғындарын мерейтоймен құттықтаймыз.