ЖАҢАЛЫҚТАР

Эпидемиологиялық жағдайға байланысты билік МӘМС үшін жеңілдетілген төлем мерзімін 2020 жылдың 1 сәуірінен 1 шілдесіне дейін ұзартты. Бұл дегеніміз, барлық қазақстандықтар әлеуметтік медициналық сақтандыру қорына аударымдар мен жарналарды төлеуге қарамастан, МӘМС жүйесінде шартты түрде сақтандырылған деп есептеледі. Яғни, 1 шілдеге дейін барлық медициналық қызметтер әр адамға ТМККК және МӘМС – бірден екі пакетте тегін және толық көлемде көрсетіледі.

Алайда, бұл кезең кейінге қалдырылған кезең болып табылмайды және төлеушілерді міндетті ай сайынғы төлемдерден босатпайды. Егер тұлға жеңілдік мерзімі өткеннен кейін, төленбеген айлар үшін МӘМС-ке жарналар жүргізбесе және медициналық сақтандыру жүйесінің қатысушысы болмаса, онда ол сақтандырылмаған болып саналады және медициналық қызметтерді тек тегін медициналық көмектің кепілдік берілген көлемі (ТМККК) шегінде ғана ала алады.

Сақтандыруы жоқ Қазақстан азаматтарының 1 шілдеге дейін МӘМС жүйесінде медициналық көмекті ұзарту құқықтарына ие болғаны белгілі. Осы кезеңде барлық қазақстандықтар шартты түрде сақтандырылған деп есептеледі. 2,5 млн аса адам үшін мемлекеттің қолдауы осындай.

Қазір Қазақстанда 16,4 млн адам сақтандырылған болып табылады. Оның ішінде 11 млн–ы мемлекет жарна төлейтін әлеуметтік жағынан осал азаматтар. Осылайша, ел халқының жартысынан астамы автоматты түрде сақтандырылған.

Ал сіз МӘМС қатысушысы болып табыласыз ба?

Өз мәртебеңізді медициналық сақтандыру жүйесінде тексеруге болады: www.egov.kz сайтында ЖСН нөмірі бойынша, аумақтық ХҚКО-ға жеке өзі келгенде немесе SaqtandyryBot – телеграмм ботты пайдалану арқылы.

Тегін қызмет көрсету арқылы қазақстандықтар коронавирустық инфекция туралы кез келген сұрақ қоя алады. Чат-ботта нақты, сенімді әрі өзекті ақпарат жинақталған, бұл ел тұрғындарына коронавирус туралы жиі кездесетін сұрақтарға тәулік бойы жауап алуға мүмкіндік береді.

Қазақстан Денсаулық сақтау министрлігінің WhatsApp чат қызметін пайдалану үшін:

1) смартфонның контактілерінде +7 705 812 69 67 нөмірін сақтаңыз немесе https://wa.me/77058126967 сілтемесі арқылы өтуіңіз;

2) Кейін де ақпарат алу үшін WhatsApp нөміріне кез келген мәтіндік хабарлама жіберіңіз.

Соңғы уақытта болып жатқан короновирус індетіне байланысты елімізде төтенше жағдай тәртібі әлі де жалғасын табуда.Осыған орай еліміздің студенттері қашықтықтан оқу жүйесін толық меңгеріп,онлайн оқуды жалғастыруда.

Осы тұрғыда студенттерге беріп кетер кеңестер мен ұсынымдар.

Төтенше жағдай тәртібі елімізде аяқталып,бұл болып жатқан дүниенің барлығы уақытша екенін түсіну өте маңызды.Бірінші кезекте сабыр сақтап,өзіңіздің оқу орныңыздан алынған мәліметтерді мұқият түсінуге және оқытушы тарапынан берілген ақпарат пен тапсырманы барынша өзіңізге ыңғайлы бағытта,салмақ салмай орындауға тырысыңыз.Оқытушымен оқу барысында пікірталастар ұйымдастырып,қызықты сұрақтар қойып,түрлі ақпараттармен алмасыңыз,сол кезде сабақ барысы да ерекше бағытта өтеді,сәйкесінше сіздің сабаққа деген ынтаңызды ашуы да ғажап емес.