Достар, сіздермен Қордың Ақпараттық-түсіндіру жұмысы басқармасының басшысы Ирина Подскочаяның сұхбатынан алынған негізгі тезистермен бөлісеміз.

Жарналарды төлеу бойынша міндет Мемлекет басшысы қол қойған «Міндетті әлеуметтік медициналық сақтандыру туралы» заңда көзделген.

Яғни, бұл еліміздің әрбір азаматы, сондай-ақ Қазақстан аумағында жұмыс істейтін ЕАЭО елдерінен келген еңбекші көшіп-қонушы шетелдік азаматтар және олардың отбасы мүшелері жасауға тиіс міндетті төлемдер болып табылады.

Адам жарнаны заңда көзделген міндет болғандықтан ғана емес, өзінің денсаулығы үшін қоғам алдында ортақ жауапкершілікте болғандықтан да төлейді.

Өз қызметкері үшін аударымдар жүргізіп және олардың скринингтік зерттеулерден өтуі үшін жағдай жасай отырып жұмыс беруші, сондай-ақ медициналық көмектің сапасы мен қолжетімділігін арттыруға қамқорлық жасайтын, яғни барлық жағдайларды жасайтын мемлекет те осындай жауаптылықта болады.

Сақтандырылған мәртебенің артықшылығы МӘМС бойынша медициналық қызметтердің анағұрлым кең тізбесін алудың мүмкіндігі болып табылады.

Бұл-бейінді мамандардың кеңестері, диагностикалық процедуралар, зертханалық талдаулар, стационарда емделу, жоспарлы операциялар, соның ішінде заманауи жоғары технологияларды қолдану арқылы жасалатын бірегей операциялар.

Сондай - ақ, шұғыл көмек ТМККК аясында көрсетіледі.

Алайда, барлық дерлік аурулардың диагностикасы туберкулезді қалпына келтіруден басқа барлық оңалту және жоспарлы емдеудің көп бөлігі сияқты медициналық қызметтер МӘМС тізіміне кіреді.

COVID-19 таралуына байланысты медицинадағы күрделі жағдайды ескере отырып, негізгі күштер коронавирустық инфекциямен күресуге және оның таралу қарқынын төмендетуге бағытталған кезде медициналық кадрлардың жетіспеушілігі проблемасы туындады. Осыған байланысты барлық медициналық қызметтерді күтпестен тез алу мүмкін болмады.

Қор өз тарапынан медициналық ұйымдардан қызмет көрсетудің тиісті мерзімдерін сақтауды талап етеді және әкімдіктер медициналық кадрлардың тапшылығы мәселесін шешу бойынша жұмыс жүргізуде. Бірақ бұл мәселені тез арада шешудің мүмкіндігі жоқ.