Қазақ технология және бизнес университеті бүгін медицина қызметкерлерін қабылдады. №3 қалалық емхананың алдын алу және әлеуметтік-психологиялық көмек бөлімшесінің дәрігерлері, және ЖИТС орталығының өкілдері жыныстық тәрбие беру тақырыбы бойынша дәрістер оқыды. Репродуктивті денсаулық, ерте жүктілік, жыныстық жолмен берілетін инфекциялар және т.б. мәселелер қозғалды. Сонымен қатар, СӨС дәрігері мінез-құлық қауіп факторлары, соның ішінде темекі шегудің, алкоголизмнің, нашақорлықтың зияны туралы айтты. Ал психолог студенттік өмірге бейімделу бойынша тренинг өткізді.

Сондай-ақ, жастарға №3 қалалық емхана жанындағы жастар денсаулық орталығы туралы айтып, студенттер жасырын түрде жедел желі телефоны арқылы кеңес ала алатынын еске салды.

Байланыс орталығының нөмірі: 547 023.