Дүниежүзілік баланы емізу апталығы басталды. Апталық аясында бірқатар шаралар ұйымдастырылмақ. Айта кетейік, дүниежүзілік ұлттық апталық жыл сайын тамыз айының 1-7 аралығында өткізіледі.

Бағдарлама сәбилерді тамақтандыруды жақсарту, денсаулығын нығайтуға бағытталған. Балалар арасындағы бірқатар аурудың алдын алуға септігін тигізбек. Мамандардың айтуынша, ана сүті - нәрестенің дені сау өсуіне және дамуына қажетті нәрлі қоректермен қамтамасыз етудің таптырмас тәсілі болып табылады.

Емшек сүтімен емізудің артықшықтары кеңінен таралған: нәрестелердің миының дұрыс дамуынан, инфекциялардан қорғауынан, семіздік пен балалар ауруының қаупін азайтудан бастап, сондай-ақ медициналық көмектің құнын төмендету мен аналарды аналық без бен сүт безінің қатерлі ісігінен қорғауға дейін.

Ана мен бала үшін емшек сүтімен емізудің медициналық, әлеуметтік және экономикалық пайдасы жайлы бүкіл әлем танып біледі.