2021 жылдың 24 ақпанында ШЖҚ «№3 қалалық емхана» МКК Алдын-алу және әлеуметтік-психологиялық көмек көрсету бөлімінің әлеуметтік қызметкерлері Валеева Е.А., Костанова А.Т. Алғыс айту күніне орай «Қамқорлық» атты көпбалалы отбасыларынан шыққан студенттерге көмек көрсету науқанын өткізді.

Қазақстан Республикасы «Қызыл ай» қоғамының Астана қалалық филиалымен өзара іс-қимыл негізінде науқан барысында аз қамтылған, көпбалалы және мұқтаж отбасылар үшін  азық-түлік, тұрмыстық химия және кеңсе тауарлары түрінде материалдық көмек беру ұйымдастырылды.

Акцияның мақсаты мәдени құндылықтар мен адами қарым-қатынастарды дамытып, бір-біріне деген ризашылықтарын білдіріп, ықылас пен мейірімділікті көрсету болып табылады.

Науқанға өз үлесін қосып, үлкен көмек көрсеткені үшін Қазақстан Республикасы «Қызыл ай» қоғамының Астана қалалық филиалының директоры Мадиева Назира Қайдырбекқызына шексіз алғыс білдіреміз.