2026 жылғы 5 қарашада «№3 қалалық емхана» ШЖҚ МКК-де, Биржан сал көшесі, 1 мекенжайы бойынша емхана қызметкерлеріне психолог Ильяшова Д.Ж. «Медицина қызметкерлерінің этикасы мен деонтологиясы» тақырыбында тренинг өткізді.
  Тренинг барысында қатысушылар кәсіби этиканың маңыздылығын, пациенттермен және әріптестермен сыйластыққа негізделген қарым-қатынас орнатуды талқылады. Сонымен қатар, тәжірибелік жағдайларды талдап, психологиялық жаттығулар орындады.
  Кездесу барысында қарым-қатынас мәдениетіне, өзара құрметке, жанжалдардың алдын алуға және ұжымда қолайлы психологиялық ахуал қалыптастыруға ерекше назар аударылды.
  Құрмет, жауапкершілік және адамгершілік — медицина қызметкерінің кәсіби қызметінің негізі!