2026 жылғы 4 қарашада психолог Ильяшова Д.Ж. КММ «№39 кешкі (ауысымды) мектеп» оқушыларына «Міндетті әлеуметтік медициналық сақтандыру жүйесіндегі студенттер» тақырыбында ақпараттық-түсіндіру әңгімесін өткізді.
  Іс-шараның негізгі мақсаты – оқушылардың міндетті әлеуметтік медициналық сақтандыру (МӘМС) жүйесі туралы ақпараттануын арттыру, медициналық көмек алу құқықтары мен медициналық ұйымдарға жүгіну мүмкіндіктері туралы түсінік қалыптастыру.
  Әңгімелесу барысында оқушылардың МӘМС жүйесіне қатысуы, медициналық қызметтерді алу тәртібі, қолжетімді медициналық көмектің түрлері, сондай-ақ сақтандырылған тұлға мәртебесінің ерекшеліктері қарастырылды.
  Өз денсаулығына жауапкершілікпен қарау, МӘМС жүйесіндегі мәртебесін тексеру жолдары және медициналық көмек алу үшін қайда жүгіну керектігіне ерекше назар аударылды.
  Оқушылар денсаулық сақтау саласындағы өз құқықтары мен мүмкіндіктері туралы пайдалы ақпарат алып, өздерін қызықтырған сұрақтарын қоюға мүмкіндік алды.
  Өз құқықтарыңды білу – өз денсаулығыңа жауапкершілікпен қараудың маңызды қадамы!