2026 жылғы 2 қарашада «Жас Толқын» Жастар денсаулық орталығының психологы Әлия Жайхулаевна Бузурбаева ВКТиК колледжінің 3-курс студенттеріне «Жасөспірімдер мен жастар арасындағы аутодеструктивті мінез-құлық» тақырыбында танымдық семинар өткізді.

  Семинар барысында аутодеструктивті мінез-құлықтың алдын алу, оның негізгі көріністері, себептері мен қауіп факторлары қарастырылды. Өзіне деген қамқорлықты қалыптастыруға, эмоционалдық тұрақтылықты дамытуға, психологиялық қиындықтардың алғашқы белгілерін дер кезінде байқауға және қажетті жағдайда психологиялық көмекке жүгінудің маңыздылығына ерекше назар аударылды.

 Іс-шара студенттердің ақпараттану деңгейін арттыруға, өзін-өзі сақтау дағдыларын дамытуға және психологиялық саулыққа жауапкершілікпен қарауды қалыптастыруға бағытталды.