2026 жылғы 29 қазанда «Қазақстан халықаралық лингвистикалық колледжі» ЖШС студенттеріне арналған Дүниежүзілік инсультпен күрес күніне орай Ұлттық бағдарлама аясында «Стресс және қан тамырлары: миды қалай қорғауға болады?» тақырыбында танымдық семинар өткізілді.
  Семинарды психолог Ильяшова Д.Ж. жүргізді. Семинар барысында студенттер стресстің ми қызметі мен қан тамырларының жағдайына қалай әсер ететінін, эмоционалдық шиеленісті дер кезінде жеңудің маңыздылығын және денсаулықты сақтауға көмектесетін күнделікті пайдалы әдеттер туралы ақпарат алды.
  Іс-шара барысында инсульттің алдын алуға, стресске төзімділік дағдыларын дамытуға және салауатты өмір салтын ұстанудың маңыздылығына ерекше назар аударылды.
  Семинар барысында студенттер стресс деңгейін анықтауға арналған жедел диагностикадан өтіп, өз нәтижелерін алды. Сонымен қатар эмоционалдық жағдайға қамқорлық жасаудың маңыздылығын еске салу және бұл мидың әрі бүкіл ағзаның саулығын сақтаудағы маңызды қадам екенін түсіндіру мақсатында ақпараттық-оқыту материалдары (ИОМ) таратылды.
  Іс-шара соңында студенттер алғыстарын білдіріп, өз әсерлерімен бөлісті және өздерін қызықтырған сұрақтарына жауап алды.