Колледжге бейімделу жаңа күн тәртібіне, ережелер мен әлеуметтік ортаға үйренуді талап етеді; бұл процесс әдетте бір айдан үш айға дейінгі уақытты алады.
  Мектептен колледжге ауысу – айтарлықтай стресс тудыратын жағдай. Сабақ кестесі, оқу форматы, оқытушылардың талаптары мен әлеуметтік орта – бәрі де өзгереді. «Қазтұтынуодағы» жоғары колледжінің бірінші курс студенттеріне арналған бүгінгі «Өзгерістер кезеңі» атты семинар-практикум дәл осы мәселелерді қарастыруға арналды. Қалалық №3 емхананың психологы өткізген шара барысында бейімделу кезіндегі негізгі қиындықтар талқыланып, жаңа ортаға тезірек сіңісу және дербестікті қалыптастыру бойынша ұсыныстар берілді.