Мектептен колледжге ауысу – қызықты мүмкіндіктерге толы жаңа кезеңнің бастауы, алайда ол белгілі бір деңгейде алаңдаушылық та тудырады. Жаңа достарды қалай табуға, бейтаныс сабақ кестесіне қалай бейімделуге және сабақ үстінде өзіне деген сенімділікті қалай арттыруға болады? Орлыкөл көшесі, 14/3 мекенжайында орналасқан «Басқару колледжінің» бірінші курс студенттері бұл сұрақтарға жауапты бүгін №3 қалалық емхананың психологы Ильяшова Д.Ж. өткізген «Өзгеріс уақыты» атты бейімделуге бағытталған семинар-тренинг барысында алды.
  Іс-шара бірінші курс студенттеріне жаңа оқу ортасына тезірек бейімделуге, стресс деңгейін төмендетуге және бейресми жағдайда бір-бірімен жақынырақ танысуға көмектесуді мақсат етті.