СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
«Көшбасшылар буыны: ертеңгі күнді бірге қалаймыз» — болашақ медиктердің жаңа белесі
- Қаралды: 12
Медицина саласындағы көшбасшылық — бұл тек кәсіби шеберлік қана емес, бұл қоғам алдындағы биік жауапкершілік пен терең білімнің симбиозы. Ертеңгі күннің іргетасын бүгіннен қалаған саналы жастар ғана ұлт саулығының кепілі болмақ.
«Жоғары медициналық колледжде» емханамыздың білікті дәрігер-дерматовенерологы С.Ж. Бостановтың ұйымдастыруымен «Көшбасшылар буыны: ертеңгі күнді бірге қалаймыз» атты ауқымды дөңгелек стол өтті. Бұл кездесу болашақ мамандар үшін нағыз тәжірибе алмасу және стратегиялық ойлау алаңына айналды.
Инфекциялық қауіпсіздік: АИТВ-ның алдын алу орталығының маманы А.Т. Турумова заманауи эпидемиологиялық сын-қатерлер мен болашақ медиктердің осы бағыттағы ағартушылық рөлі туралы тереңірек тоқталды.
Құқықтық нигилизммен күрес: ЖДО заңгері Ш.М. Шамсутдинов медицина саласындағы құқықтық сауаттылық пен жастардың заңнамалық тұрғыдан қорғалуын қамтамасыз ету мәселелерін талқылады.
Жүйелі басқару: ЖДО бөлім меңгерушісі Д.М. Түсіпбекова жастар денсаулығын сақтаудағы кешенді тәсілдер мен медициналық ұйымдастыру ісінің нәзік тұстарымен бөлісті.
Кездесу соңында қатысушыларға өзекті медициналық ұсыныстар мен ақпараттық құралдар қамтылған АОМ (ақпараттық-оқыту материалдары) таратылды.
