СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Шынайы алғыс пен ұрпақтар үндестігі: «Қарттарға қамқорлық» жобасы аясындағы ақ ниет
- Қаралды: 16
Алғыс айту күні — бұл жай ғана күнтізбедегі дата емес, бұл — жүректердің жылуы мен өзара құрметтің мерекесі. Осы игі мереке қарсаңында №3 Қалалық емхананың Алдын алу және әлеуметтік-психологиялық көмек бөлімі мен «Жас Толқын» ЖДО мамандары Алматы ауданының «Белсенді ұзақ өмір сүру» орталығында ерекше қайырымдылық акция-концертін ұйымдастырды.
«Қарттарға қамқорлық» жобасы аясында өткен бұл шара аға буын өкілдеріне құрмет көрсету мен жастардың бойында ізеттілік құндылықтарын қалыптастыруды мақсат етті.
Шараның жарқын сәттері:
Жастық жалын мен еріктілер рухы: Шараға ЕАГИ жоғары колледжі мен А.Қ. Құсайынов атындағы Еуразия гуманитарлық институтының ерікті студенттері белсене қатысты.
Өнер — көңіл ажары: Студенттер аға буын үшін мазмұнды музыкалық бағдарлама әзірлеп, аспаптық туындылар мен мың бұралған би нөмірлерін ұсынды.
Ақ бата мен жылы лебіз: Қарттарымыз жастардың өнеріне тәнті болып, өздерінің шынайы ризашылықтарын білдірді. Қариялардың ақ батасы мен ақыл-кеңестері кездесудің мәнін аша түсті.
Кездесу түйіні: Мерекелік шара өте көңілді, достық әрі қуанышты жағдайда өтті. Бұл — жастардың үлкенге деген құрметі мен қарттардың жас буынға деген сенімінің тоғысқан сәті болды
