СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
«Студенттер МӘМС жүйесінде» атты семинар
- Қаралды: 60
«Студенттер МӘМС жүйесінде» атты семинар
«Жас Толқын» Денсаулық сақтау орталығының гинеколог-дәрігері Басқару колледжінің студент қыздарына «Студенттер МӘМС жүйесінде» тақырыбында семинар өткізді.
Іс-шараның мақсаты – жастардың міндетті әлеуметтік медициналық сақтандыру (МӘМС) жүйесі туралы білімін арттыру, студенттерге тегін көрсетілетін медициналық қызмет түрлерін түсіндіру.Семинар барысында маман студенттердің қай санаттары сақтандырылған болып саналатынын, медициналық көмекті қалай және қайда алуға болатынын түсіндірді.
Тыңдаушылар мына сұрақтарға жауап алды:
— Студентке МӘМС полисі қажет пе?
— Егер оқу ақысы ақылы немесе грант болса, жағдай қалай өзгереді?
— Қандай қызметтер тегін медициналық көмек көлеміне кіреді, ал қайсысы МӘМС арқылы көрсетіледі?
Сондай-ақ дәрігер профилактикалық тексерулер мен екпелердің маңыздылығына тоқталды. Уақытылы тексерілу мен аурудың алдын алу — денсаулық кепілі.Семинарда қыз балалардың репродуктивті денсаулығына ерекше назар аударылды. МӘМС жүйесі тек емдеуді ғана емес, сонымен қатар мамандардың кеңесін, зертханалық талдаулар мен скринингтерді де қамтитыны түсіндірілді.
Осындай кездесулер жастарға денсаулық сақтау жүйесінің қалай жұмыс істейтінін және оны тиімді пайдаланудың жолдарын түсінуге көмектеседі.
«Жас Толқын» және №3 Қалалық емхана ұжымы жастардың денсаулық мәдениетін арттыру бағытында жүйелі түрде жұмыстар жүргізіп келеді.
