Қыркүйектің 15-інен бастап Үкіметтің қаулысына сәйкес эпидемиологиялық қаупі жоғары топтарға қарсы тұмауға вакцинациялау науқаны басталды. Жыл сайынғы вакцинация жүкті әйелдерге, 6 айдан 5 жасқа дейінгі балаларға, 65 жастан асқандарға, созылмалы аурулары бар адамдарға және медицина қызметкерлеріне ұсынылады.

Екпе барлық алғашқы медициналық-санитариялық көмек ұйымдарында жасалады.

Тұмау вирусы әсіресе көпшілік жиналатын жерлерде оңай әрі тез таралады. Жөтелгенде немесе түшкіргенде вирусты микрокапшықтар ауаға түсіп, жақын маңдағы адамдарға жұғуы мүмкін.

Тұмаудан қорғанудың ең тиімді жолы – вакцинация.

Сонымен қатар, эпидемиологтар қолды үнемі жууға, бетперде киюге және науқастармен жақын қарым-қатынастан аулақ болуға кеңес береді.