СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
«Мен сені сүйемін, өмір!» тренингі – Өзін-өзі өлтірудің алдын алу күніне орай
- Қаралды: 61
«Мен сені сүйемін, өмір!» тренингі – Өзін-өзі өлтірудің алдын алу күніне орай
Өзін-өзі өлтірудің алдын алу күні аясында ЖДО «Жас Толқын» психологы Диана Ильяшева 2-курс студенттері үшін «Мен сені сүйемін, өмір!» атты тренинг өткізді. Іс-шара Гуманитарлық Еуразия институтының А.Құсайынов атындағы Жоғары колледжінде өтті.
Тренингтің басты мақсаты – жастарға өмірдің құндылығын түсіндіру, психикалық денсаулыққа көңіл бөлу маңыздылығын жеткізу және бір-біріне дер кезінде қолдау көрсетуге үйрету.
Сабақ барысында мына мәселелер талқыланды:
• стресс пен мазасыздықты қалай жеңуге болады;
• эмоциялық күйіп кетудің негізгі себептері;
• неге өз уайымыңды жақындармен немесе мамандармен бөлісу маңызды;
• қиын жағдайда қайдан көмек алуға болады.
Психолог әрбір адамның өмірі ерекше әрі құнды екенін атап өтті. Ашық әңгіме барысында студенттер пікір алмасып, сұрақтар қойып, позитивті ойлауды дамытуға бағытталған жаттығуларға қатысты.
Сонымен қатар, өзіне күтім жасаудың қарапайым да маңызды дағдылары қарастырылды: уақытылы демалу, оқу жүктемесін дұрыс бөлу, оқу мен жеке өмір арасында тепе-теңдік сақтау.
Мұндай кездесулер жастарға өз уайымымен жалғыз емес екенін сезінуге көмектеседі. Әрқашан қолдау көрсететін адамдар бар: ол – отбасы, достар немесе мамандар.
Өзін-өзі өлтірудің алдын алу күні бізге бір сәттік назар мен қолдаудың өзі басқа біреудің өмірін сақтап қалуы мүмкін екенін еске салады.
