Дүниежүзілік суицидтің алдын алу күніне орай ГКП на ПХВ «Сервис және туризм колледжінде» «Мен сені сүйемін, өмір!» атты тренинг өтті. Оны МЦЗ «Жас Толқын» психологы Диана Ильяшова 3-курс студенттеріне арнап жүргізді.

Тренингтің басты мақсаты – жастар арасында өмірге деген құндылықты арттыру, қиын жағдайда жалғыз еместігін сезіндіру және психологиялық қолдау көрсетудің маңыздылығын жеткізу. Бүгінгі күні депрессия, күйзеліс, жалғыздық сезімі мен болашаққа сенімсіздік – жасөспірімдер мен студенттер арасында жиі кездесетін құбылыс. Бұл жағдай дер кезінде назар аударуды және қолдауды қажет етеді.

Кездесу барысында мына мәселелер талқыланды:

• өз сезімдерімен бөлісе білу және көмек сұрау дағдысы;

• отбасының, достардың, ұстаздардың қолдауы;

• сенімді әңгімелесудің және ұжым ішіндегі қарым-қатынастың рөлі;

• күйзелісті еңсерудің тәсілдері мен позитивті ойлауды қалыптастыру.

Студенттер пікірталасқа белсенді қатысып, өз тәжірибелерімен бөлісті. Психолог интерактивті жаттығулар арқылы өзін-өзі сенімді ұстауды, қиындыққа төтеп беруді және жағымды ой қалыптастыруды үйретті. Әсіресе әрбір сәттің қадірін білудің, өмірдің мәнін түсінудің маңыздылығы айтылды.

Мұндай тренингтер жастарға өздерін тереңірек түсінуге, сонымен бірге өзгелердің де психологиялық жағдайына бейжай қарамауға үйретеді. Кейде дер кезінде айтылған жылы сөз бен қолдау адам өмірін сақтап қалуы мүмкін.

№3 Қалалық емхана мен «Жас Толқын» МЦЗ психологтарының жұмысы психологиялық денсаулықты нығайтуға және суицидтің алдын алуға бағытталған.