«Келесі қадам» тренингі: бірінші курс студенттеріне қолдауКолледжге түсу – әр студенттің өміріндегі маңызды әрі жауапты кезең. Жаңа орта, жаңа достар, жаңа ережелер мен күтілімдер – мұның барлығы бейімделуді, ішкі тұрақтылықты және дұрыс психологиялық көзқарасты қажет етеді. Осы мақсатта «Жас Толқын» МЦЗ психологы Диана Ильяшова ГКП на ПХВ «Көлік және коммуникациялар жоғары колледжінің» 1 курс студенттеріне «Келесі қадам» атты тренинг өткізді.Кездесудің басты мақсаты – студенттердің өзін-өзі жақсырақ тануына, ішкі ресурстарын ашуына және өз күшіне сенімділігін қалыптастыруына көмектесу. Тренинг барысында қатысушылар өзін-өзі тануға, тиімді қарым-қатынас жасауға және күйзеліске төзімділікті дамытуға бағытталған арнайы жаттығулар орындады.Психолог уақытты басқару мен өзін-өзі ұйымдастыру мәселелеріне ерекше тоқталды. Дұрыс жоспар құра білу және басымдықтарды нақтылай алу – табысты оқу мен дамудың маңызды дағдылары екені айтылды.Сонымен қатар, студенттер қарым-қатынас мәдениеті туралы пікір алмасты: топтастарымен және оқытушыларымен тіл табысу, сыйластықты сақтау, жанжалдан аулақ болу жолдарын талқылады. Мұндай дағдылар тек оқу процесінде ғана емес, күнделікті өмірде де қажет.Тренинг сенімді атмосферада өтті. Қатысушылар белсенділік танытып, пікірлерімен бөлісті, сұрақтар қойды және шешімдерді бірге іздеді.Осындай кездесулер жастарға өздерінің келесі қадамын сенімдірек жасауға, өз күшіне сенуге және оқу мен болашақ мамандыққа жағымды көзқарас қалыптастыруға мүмкіндік береді.