Күз бен қыс – ЖРВИ мен тұмау кең таралатын кезең. Бұл инфекциялар ауа арқылы тез жұғады және адамдар көп жиналатын орындарда – мектептерде, балабақшаларда, кеңселерде, қоғамдық көліктерде жылдам тарайды. Өзімізді және жақындарымызды қорғау үшін алдын алу шараларын есте сақтау өте маңызды.

Вакцинация – ең тиімді қорғаныс.

Тұмауға қарсы екпе ауыр асқынулардың алдын алады және иммунитет қалыптастырады. Әсіресе балаларға, егде жастағы адамдарға және созылмалы ауруы барларға жыл сайын екпе алу ұсынылады.

Гигиенаны сақтау.

Қолды жиі сабындап жуу, антисептик қолдану және бетке қол тигізуден бас тарту – жұқтыру қаупін азайтады.

Таза ауа мен желдету.

Бөлмелерді жиі желдетіп, ылғалды тазалық жасап, ауаны ылғалдандырып отырыңыз. Құрғақ әрі жабық ортада вирустар тез таралады.

Иммунитетті күшейту.

Көкөніс пен жемістерге бай дұрыс тамақтану, спортпен айналысу және толыққанды ұйқы – мықты денсаулықтың кепілі.

Ауырғандармен қарым-қатынастан сақ болыңыз.

Алғашқы белгілер пайда болғанда үйде қалып, айналаңыздағы адамдарды қорғау маңызды.

Тұмау асқынған жағдайда өкпенің қабынуына, бронхитке және созылмалы аурулардың өршуіне әкелуі мүмкін. Сондықтан алдын алу шаралары мен дер кезінде дәрігерге қаралу – денсаулықты сақтаудың ең сенімді жолы.

Өз денсаулығыңызды бағалаңыз – суық тию маусымы сізді айналып өтсін!