Ана сүтінің психологиялық маңызы

“Емізуді қолдау – болашаққа инвестиция”

№3 Қалалық емханада (Біржан сал, 1) Дүниежүзілік емізуді қолдау апталығы аясында арнайы кездесу өтті.

«Жас-Толқын» ЖДО-ның психологы аналармен және келушілермен емізудің психологиялық әсері туралы ашық әңгіме жүргізді.

Емізу – бұл тек тамақтандыру емес. Бұл – анамен баланың арасындағы сенім мен байланыс, сәбидің өзін қауіпсіз сезінуі.

Емізу кезінде бөлінетін гормондар ананың психикалық жай-күйіне оң әсер етеді, күйзелісті азайтады, аналық сезімді нығайтады.

Емізу – сәбидің физикалық қана емес, эмоциялық дамуына да жол ашады.

Осындай шаралар болашақ аналар үшін құнды ақпарат көзіне айналуда.