№3 Қалалық емхананың ЖДО “Жас Толқын” гинеколог-дәрігері Динара Түсіпбекованың қатысуымен Сарыарқа ауданының “Белсенді ұзақ өмір” орталығының қызмет алушыларына арналған семинар өтті. Кездесу аясында екі маңызды тақырып қозғалды: «Гепатиттің алдын алу» және «Дәрілік заттар туралы барлығы».

Семинардың бірінші бөлімінде гепатиттің түрлері, жұғу жолдары, алдын алу шаралары мен вакцинацияның маңызы туралы айтылды. Гепатит – тек бауырға ғана емес, бүкіл ағзаға әсер ететін күрделі ауру. Сондықтан оның алдын алу – әр азаматтың денсаулығына деген жауапкершілігінің бір бөлігі.

Екінші бөлімде қатысушылар дәрі-дәрмектерді дұрыс қолдану, сақтау және утилизациялау бойынша маңызды ақпарат алды. Дәріні нұсқаулыққа сәйкес қабылдау – оның тиімділігі мен қауіпсіздігінің кепілі. Сондай-ақ, үй жағдайында дәрілерді қалай сақтау керек, мерзімі өткен препараттармен не істеу керек деген сұрақтар кеңінен талқыланды.

Семинар қатысушылар тарапынан үлкен қызығушылық тудырып, көптеген сұрақтарға нақты жауап берілді. Мұндай ақпараттық іс-шаралар азаматтардың медициналық сауаттылығын арттырып, аурулардың алдын алуға үлкен үлес қосады.

•