№3 Қалалық емханада саркоманың алдын алу бойынша айлық аясында Ашық есік күні ұйымдастырылды. Іс-шараның мақсаты — халықты сирек кездесетін, бірақ аса қауіпті онкологиялық аурулардың бірі — саркома туралы хабардар ету және ерте диагностиканың маңыздылығын түсіндіру болды.

Саркома дегеніміз не?

Саркома — бұл бұлшық ет, сүйек, сіңір, қан тамыры сияқты дәнекер тіндерден дамитын қатерлі ісік. Ол ересектерде де, балаларда да пайда болуы мүмкін және бастапқы кезеңде ешқандай белгілер бермей, тез өршуі мүмкін. Сондықтан оны ерте кезеңде анықтау — өмірді сақтаудың басты шарты.

Қауіп тобына кімдер кіреді?

Сүйек немесе жұмсақ тіндердің жарақатын алғандар, тұқымқуалаушылыққа бейім адамдар, иондаушы сәулеленуге ұшырағандар қауіп тобына жатады. Егер тері астында тығыз ісік пайда болып, ол біртіндеп үлкейсе, сүйек ауырып, қозғалыс шектелсе — бұл маңызды белгілер.

Неліктен бұл маңызды?

Ерте анықталған әрбір ісік — бұл сапалы өмір мен саулықты сақтау мүмкіндігі. Ауруды алдын алу және уақытылы дәрігерге қаралу — ауыр зардаптардың алдын алудың тиімді жолы.

№3 Қалалық емхана онкологиялық аурулардың алдын алу бойынша тұрақты түрде ақпараттық іс-шаралар ұйымдастырып келеді. Өз денсаулығыңызға бей-жай қарамаңыз — өмір өз қолыңызда.