СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Емізу кезіндегі дұрыс қалыптар – ана мен бала денсаулығының кепілі
- Қаралды: 3
Жаңа туған сәбиге дұрыс емізу – оның физикалық дамуына ғана емес, ана мен баланың арасындағы тығыз байланыстың нығаюына да ықпал етеді. Алайда бұл үдеріс жай ғана сәбиді тамақтандыру емес – бұл дене қалпы мен ыңғайдың дұрыс болуы қажет маңызды кезең.
Неліктен қалып маңызды?Дұрыс емізу қалпы – баланың емшекті дұрыс ұстауына, сүттің еркін шығуына және ананың денсаулығын сақтауына мүмкіндік береді. Қате қалыптар анада сүт түтігінің бітелуіне, емшек жарылуына немесе омыртқа ауырсынуына әкелуі мүмкін.
Анаға ыңғайлылық – басты назардаАна емізу кезінде денесін бос ұстауы тиіс. Арқасы мен қолы тірекпен қамтамасыз етілуі қажет. Аяқ астына жастық қойып, белге немесе арқаға жастық тіреу – ананың шаршамауына көмектеседі.
Балаға – жақындық пен қауіпсіздікСәбидің беті анасының бетіне, мұрны емшекпен бір деңгейде болуын қадағалау керек. Баланың бүкіл денесі анасымен беттесіп, мойыны мен арқасы қисаймауы тиіс. Бұл балаға оңай емуге көмектеседі және анасында ауырсынуды болдырмайды.
Жиі қолданылатын қалыптар:• Арқамен отыру қалыптары (бала қолда);
• Жанымен жатып емізу (түнгі уақыт үшін ыңғайлы);
• Астыңғы қолмен қолдаумен емізу (цезарь тілігі болған аналарға тиімді);
• «Колыбелька» қалпы (ең жиі қолданылатын).
Емізу – табиғи процесс. Ал дұрыс қалыптар – оның жеңіл әрі жайлы өтуіне кепіл. Егер күмәніңіз болса, дәрігермен немесе лактация жөніндегі кеңесшілермен кеңесіңіз.
