Алматы ауданының Белсенді ұзақ өмір сүру орталығының қызмет алушылары үшін ЖПД (жалпы практика дәрігері) маманы МӘМС жүйесі бойынша семинар өткізді.

Сақтандыру жүйесінің қалай жұмыс істейтінін, сақтандырылған және сақтандырылмаған азаматтар үшін көрсетілетін медициналық қызметтер көлеміндегі айырмашылықтарды түсіндірді.

Сақтандырылған азаматтар амбулаториялық-емханалық, консультациялық-диагностикалық қызметтерге, жоспарлы емдеуге және күрделі тексерулерге тегін қол жеткізе алады. Сонымен қатар дәрігер шұғыл көмек пен кепілдендірілген тегін медициналық көмек жүйесінің аясын да атап өтті.

Семинар барысында әлеуметтік осал топтар – зейнеткерлер, көпбалалы аналар, мүмкіндігі шектеулі азаматтар – үшін қарастырылған жеңілдіктер туралы да айтылды. Қатысушылар сақтандырылмаған жағдайда қандай шектеулер болатынын, жарналарды қалай төлеу керектігін және МӘМС базасында өз мәртебесін қалай тексеруге болатынын білді.

Мұндай ақпараттық кездесулер азаматтардың медициналық сауаттылығын арттырып, денсаулықты басқарудың жаңа мәдениетін қалыптастыруға бағытталған. Қатысушылар белсенділік танытып, өздерін толғандырған сұрақтарын қойды.