Гепатит – бұл жай ғана бауыр ауруы емес. Оның созылмалы түрлері адам өміріне қауіп төндіретін асқынуларға алып келуі мүмкін. В, С вирустық гепатиттері көбіне белгісіз түрде өтіп, тек соңғы кезеңдерде ғана анықталады. Осы себепті уақытылы тексеріліп, вакцина салдыру – гепатиттің алдын алудың ең сенімді жолы. Семинарда дәрігер гепатиттің жұғу жолдары, қауіпті факторлар және мемлекет тарапынан көрсетілетін тегін скринингтер туралы айтып берді.

Екінші бөлім — «Дәрі-дәрмек туралы барлығы». Адамдардың көбі дәріні өз бетімен қабылдап, денсаулығына зиян тигізіп жатады. Семинар барысында гинеколог дәрігер дәрілерді дұрыс қабылдау, сақтау және үй жағдайында қауіпсіз түрде жою ережелерін түсіндірді. Сонымен қатар, қатысушылар дәрілердің өзара әрекеттесуі, дозасы мен қабылдау уақыты жөнінде көкейіндегі сұрақтарын қойып, толыққанды жауап алды.

Осындай кездесулердің басты мақсаты – халықтың медициналық сауаттылығын арттыру және профилактикаға басымдық беру. Тұрғындардың белсенді қатысуы бұл тақырыптардың өзектілігін дәлелдеді