Қазіргі таңда қазақстандықтардың денсаулығын сақтау және сапалы медициналық көмекке қол жеткізу мүмкіндігін кеңейту үшін МӘМС жүйесі іске асырылуда. Бұл жүйе арқылы азаматтар медициналық көмектің кең ауқымына тегін немесе жеңілдікпен қол жеткізе алады.

Осы тақырыпта ЖДО “Жас Толқын” профилактика бөлімінің міндетін атқарушы меңгерушісі Динара Түсіпбекова «Үміт» дағдарыс орталығының қызмет алушыларына арнап түсіндіру семинарын өткізді.

Семинарда қамтылған негізгі тақырыптар:

МӘМС жүйесі қалай жұмыс істейді?

Қандай медициналық қызметтер тегін көрсетіледі?

Сақтандырылмаған азаматтар не істей алады?

2024 жылғы заңнамадағы жаңалықтар

Спикер азаматтардың жиі қоятын сұрақтарына жауап беріп, біріңғай медициналық сақтандыру пакеті туралы толық ақпарат берді. Атап айтқанда, сақтандырылған азаматтар тек Кепілдендірілген тегін медициналық көмек аясында ғана емес, сонымен қатар МӘМС пакетіне кіретін қызметтерді де тегін ала алады. Оған:

— консультациялар,

— диагностика,

— жоғары технологиялық емдеу,

— жоспарлы операциялар,

— оңалту шаралары жатады.

Сондай-ақ, семинар қатысушылары МӘМС жарнасын төлеу тәртібі, өзін-өзі жұмыспен қамтыған азаматтардың мүмкіндіктері туралы да білді.

Бұл кездесудің мақсаты — әлеуметтік осал топтағы әйелдерді ақпараттандырып, медициналық көмекті қалай алуға болатынын үйрету.

Есіңізде болсын: медициналық көмек қолжетімді, егер сіз өз құқығыңызды білсеңіз.