СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Гепатит туралы мифтер: Жалған ақпараттан қалай арылуға болады?
- Қаралды: 14
Гепатит туралы мифтер: Жалған ақпараттан қалай арылуға болады?
Гепатит – көпшіліктің санасында ауыр әрі қорқынышты диагноз ретінде қалыптасып қалған. Бірақ шындық әрдайым біз ойлағаннан өзгеше.
Келіңіз, бірге талдап көрейік:
МИФ 1: Гепатит тек есірткі пайдаланатын немесе «қиын адамдарға» тән
Шын мәнінде, бұл вируспен кез келген адам жұқтыруы мүмкін: тіс емханасында, пирсинг немесе татуировка салғанда, медициналық инъекция арқылы немесе қорғалмаған жыныстық қатынас кезінде. Инфекция адамның мәртебесіне, мамандығына немесе өмір салтына қарамайды. МИФ 2: Егер еш белгі болмаса, гепатит жоқ Көп жағдайда С гепатиті симптомсыз өтеді. Адам өзін сау сезінеді, бірақ бауыр біртіндеп зақымдана береді. Ауруды тексеріссіз анықтау қиын – сондықтан скрининг өте маңызды. МИФ 3: Гепатит емделмейді Бұл – ескі көзқарас. Қазіргі кезде С гепатиті заманауи вирусқа қарсы препараттармен толық жазылады. Тиімділігі – 95–98%. Емделу уақыты – 2–3 ай. МИФ 4: Барлық гепатитке вакцина бар Шындық – А және В гепатитіне қарсы екпе бар, бірақ С түріне вакцина әлі әзірленген жоқ. Сол себепті жеке қорғану шаралары және уақытылы тексерілу маңызды.
Гепатиттен қалай қорғануға болады?– Инъекциялар мен медициналық процедураларды тек сенімді орындарда жасау
– Жеке гигиена құралдарын (тырнақ қайшы, ұстара) ешкіммен бөліспеу
– Жыныстық қатынаста қорғану
– Жүктілік кезінде тексерілу
– Жылына кемінде бір рет гепатитке тест тапсыру
Өзіңнің болашағыңа жауапкершілікпен қара. Уақытында тексеріліп, жалған ақпаратқа емес – нақты дерекке сен!
