🧬 Жыныстық жолмен жұғатын инфекциялар: Нені білу қажет?

Жыныстық жолмен жұғатын инфекциялар: Нені білу қажет?

Жыныстық жолмен жұғатын инфекциялар (ЖЖЖИ) – бұл өзекті әрі маңызды тақырыптардың бірі. Бірақ, өкінішке қарай, бұл жайында ашық айту аз.

Дәрігер-дерматовенеролог Санат Бостанов нақты әрі түсінікті түрде ЖЖЖИ-ға қатысты кеңестер мен маңызды ақпараттармен бөлісті.

ЖЖЖИ қандай аурулар?

– Сифилис: алғашқы белгілері байқалмай, кейін ағзаға елеулі зиян келтіреді;

– Гонорея: зәр шығару жүйесін зақымдап, бедеулікке себеп болуы мүмкін;

– Трихомониаз: жиі белгілерсіз өтеді, бірақ басқа инфекцияларға жол ашады.

Қауіп қайдан?

– Тұрақсыз жыныстық қатынас,

– Қорғаныс құралдарын қолданбау,

– Мифтерге сену,

– Уақытында дәрігерге жүгінбеу.

Қалай қорғануға болады?

1. Жыныстық серіктеске қатысты ашық әрі адал болу;

2. Презерватив қолдану – бұл сенімсіздік емес, жауапкершілік;

3. Жоспарлы тексеруден өту;

4. Ауру белгілері білінсе – өз бетімен емделмей, дәрігерге жүгіну.

Денсаулық – өз қолыңда!