Ұлттық егу күнтізбесі: балаңызды қорғаудың ең сенімді жолы

: 02 Шілде 2025; Қаралды: 8

Кейбір ата-аналар вакцина туралы түрлі ақпарат көздерінен естіген соң, күмәндана бастайды. Алайда ғылым мен тәжірибе көрсеткендей, вакцинация – жұқпалы аурулардың алдын алудың ең тиімді тәсілі.

Қазақстанда бекітілген ұлттық егу күнтізбесі бар. Бұл – баланың өмірінің әр кезеңіне сәйкес инфекциялардан қорғайтын нақты жоспар. Күнтізбе тегін медициналық көмектің кепілдік берілген көлемі шеңберінде жүзеге асырылады.

Егу күнтізбесіне кіретін басты вакциналар:

– Туберкулез – өмірге қауіп төндіретін өкпе ауруы;

– Гепатит В – бауырды зақымдайды;

– Көкжөтел, дифтерия, сіреспе – тыныс алу және жүйке жүйесіне қауіп;

– Қызылша, қызамық, паротит – баланың дамуына әсер ететін вирустар;

– Полиомиелит – сал ауруына себеп болуы мүмкін;

– Пневмококк инфекциясы – құлақ, өкпе және ми қабынуы.

Әр вакцина баланың иммунитетін нақты кезеңде күшейтуге бағытталған. Вакцинациядан кейін организмде арнайы антиденелер қалыптасып, ауруға қарсы күресуге мүмкіндік береді.