Қалалық емхана №3-тің алдын алу және әлеуметтік-психологиялық көмек көрсету бөлімінің ЗОЖ дәрігері Ішкі істер министрлігі қызметкерлеріне арналған семинар өткізді. Бұл шара БҰҰ-ның нашақорлыққа қарсы күрес күніне орайластырылған Ұлттық бағдарлама аясында ұйымдастырылды.

Семинар тақырыбы – «Мінез-құлықтық қауіп факторларының алдын алу»

Мінез-құлық – адам денсаулығына тікелей әсер ететін негізгі фактор. Әсіресе, тәуекелге бейім салаларда қызмет ететін азаматтар үшін бұл – аса маңызды.

Семинарда келесі тақырыптар қамтылды:

– күйзелістің мінезге әсері,

– агрессия мен ішкі жанжалдардың денсаулыққа әсері,

– темекі, ішімдік және басқа да тәуелділіктің алдын алу жолдары,

– ішкі мотивация мен позитивті қарым-қатынас құру тәсілдері.

Полицейлер бұл кездесуден тек теориялық білім ғана емес, сонымен қатар өз денсаулығын басқарудың нақты құралдарын алды. Әңгіме барысында қатысушылар өз тәжірибесімен бөлісіп, пікір алмасты.

Мамандардың айтуынша, бұндай кездесулер тек профилактика ғана емес, кәсіби күйіп кетудің алдын алу мен мықты ұжым қалыптастыруда үлкен рөл атқарады.

Алдын алу жұмыстары – қоғам денсаулығының негізі. Ал оның тиімділігі – білім мен сенімде.