№3 қалалық емхана жанындағы “Жас Толқын” жастар денсаулық орталығында дерматовенеролог Санат Бастанов жастармен маңызды тақырыпта кездесу өткізді. Кездесу барысында жыныстық жолмен берілетін инфекциялардың алдын алу, олардың белгілері мен салдары, қорғану әдістері кеңінен талқыланды.

Біржан сал, 1 мекенжайындағы орталыққа келген жастар нақты сұрақтар қойып, маманнан ашық әрі кәсіби жауап алды. Мұндай шаралар аурудың таралуына тосқауыл қоюдың тиімді жолы екенін уақыт көрсетті.

Санат Бастанов қазіргі таңда ЖЖБИ-дың көпшілігі алғашқы кезде еш белгісіз өтетінін, бірақ уақыт өте келе ауыр асқынуларға әкелуі мүмкін екенін атап өтті.

Кездесу соңында қатысушыларға ақпараттық жадынамалар таратылып, өз денсаулығына жауапты қарау қажеттілігі ескертілді.

Жастардың сауаттылығы – ұлт болашағының кепілі.