СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Психикалық денсаулық пен қан қысымы: байланысты білесіз бе?
- Қаралды: 50
Дүниежүзілік артериялық гипертониямен күрес күні аясында "Халықаралық лингвистикалық колледжінің" 3-курс студенттеріне арналған семинар өтті.
Тақырыбы — «Психикалық денсаулықтың артериялық қысымға әсері».
Семинарды №3 қалалық емхана жанындағы «Жас Толқын» жастар денсаулық орталығының психологы — Динара Жанатқызы Ильяшова өткізді.
Бір қарағанда, психика мен қан қысымы – екі бөлек дүние сияқты. Бірақ шын мәнінде, созылмалы стресс, мазасыздық пен эмоциялық күйзеліс — қысымның көтерілуіне тікелей әсер етеді.
Семинарда студенттер:
күйзелістің, ұйқысыздықтың, экран алдындағы ұзақ уақыт өткізудің денсаулыққа әсері жайлы білді; дене мен эмоция арасындағы байланысты түсінді; тыныс жаттығулары, ойды бақылау және күн тәртібі сияқты әдістерді меңгерді; қай кезде психологқа немесе дәрігерге жүгіну қажет екенін анықтады.Цифрлық шаршау мен ақпараттық жүктеме де жеке тақырып ретінде қозғалды.
Телефон мен әлеуметтік желілерге тәуелділік, үнемі жаңалық оқып мазасыз болу — мидың тынығуына мүмкіндік бермейді.
Динара Жанатқызы студенттермен тең дәрежеде, ашық тілдесіп, қарапайым тілмен жеткізді. Бұл — жастардың қызығушылығын оятты.
«Жас Толқын» ЖДО жас буынға өз ағзасын түсініп, алғашқы белгілерді елеусіз қалдырмауға үйретуді жалғастырады.Денсаулық — бұл жай ғана анализ емес. Бұл — ішкі тепе-теңдік.
