СІЗДЕ КӨРСЕТІЛЕТІН ҚЫЗМЕТТЕРДІҢ САПАСЫ БОЙЫНША СҰРАҚТАР БАРМА? БАСЫҢЫЗ
Қан қысымы мен өмір салты: жүрекке қамқорлық ерте жастан басталады
- Қаралды: 31
Артериялық гипертониямен күрестің дүниежүзілік күні және ұлттық алдын алу бағдарламасы аясында №3 қалалық емхананың мамандары жастарға арналған ашық семинар өткізді.
Тақырып: «Артериялық гипертензияның алдын алу»
Спикер: Азат Нурмагамбетов, салауатты өмір салтын қалыптастыру дәрігері, профилактика және әлеуметтік-психологиялық көмек бөлімінің маманы.Бүгінде артериялық гипертония — тек ересектердің мәселесі емес. Қазірдің өзінде 17–18 жастағы жастардың арасында қысым тұрақсыздығы жиі кездеседі.
Семинарда жастар:
АГ деген не және ол неге «үнсіз қауіп» деп аталады; күнделікті тамақ, ұйқы, қозғалыс секілді әдеттердің әсерін; энергетикалық сусындардың, шылым мен экран алдында ұзақ отырудың зиянын; қан қысымын дұрыс өлшеу тәсілін және алғашқы белгілер кезінде не істеу керектігін білді.
Азат Нурмагамбетов гипертония – қарттықтың емес, өмір салтының салдары екенін атап өтті.Жастарға арналған бұл семинар қолжетімді тілмен, еркін форматта, сұрақ-жауап арқылы өтті.
Қатысушылар бас ауруы, ұйқысыздық, мазасыздық сияқты белгілерді айтып, нақты жауап алды.
«Жас Толқын» ЖДО мен №3 қалалық емхана салауатты өмір салтын насихаттауды жалғастырады. Себебі денсаулығы мықты жас — ел болашағының кепілі.
