Әлемдік Иммундау апталығы кезінде біз жыл сайын миллиондаған адамның өмірін сақтап қалатын вакцинацияның маңыздылығын қайта еске саламыз.

Вакцинация – иммундық жүйені қауіпсіз антигендер арқылы жаттықтыру әдісі. Адам ағзасы нақты жұқпалы агентпен кездескенде, ол оған қарсы тиімді қорғаныс жасай алады. Вакциналардың арқасында адамзат шешек ауруын жойып, полиомиелит, қызылша сияқты көптеген инфекциялардың таралуын едәуір азайтты.

Бүгінгі жаһандану дәуірінде және халықтың белсенді қозғалысы жағдайында ұжымдық иммунитетті сақтау өте маңызды. Яғни, көпшілік егілген кезде аурудың таралу мүмкіндігі төмендейді.

Білу маңызды:

Қазақстанда барлық балалар мен осал топтар үшін Ұлттық екпе күнтізбесі бойынша тегін вакцинация жүргізіледі.

№3 қалалық емханада жоспарлы вакцинация мен иммундау мәселелері бойынша кеңес алуға болады.

Жастар денсаулық орталығы "Жас Толқын" мамандары студенттер мен жастарға вакцинацияның маңыздылығын түсіндіруде белсенді жұмыс жүргізуде.

Есіңізде болсын: вакцинация тек өзіңізді ғана емес, екпе ала алмайтын (жаңа туған нәрестелерді, созылмалы аурулары бар адамдарды) қорғауға көмектеседі.

Бүгін не істеуге болады:

- №3 қалалық емханада дәрігерден кеңесін алыңыз.

- ЖДО "Жас Толқын" мамандарымен байланысыңыз.

- Өз екпелеріңіздің өзектілігін тексеріңіз.

Бірге инфекциялық ауруларды тарихта қалдырайық!