Кездесуге Қазақстан Республикасының танымал спортшылары — кикбоксинг, ушу-саньда бойынша әлем чемпиондары, Азия және ҚР кубоктарының жеңімпаздары қатысты. Ернар Омаров, Икрам және Азиз Бабаев, Қаракөз Насырова, Сезімжан Ханытбек сынды чемпиондар жастарға спорттың адам өміріндегі маңызын жеткізіп, өздерінің жеңіс жолындағы тәжірибелерімен бөлісті.

Шараға сондай-ақ Астана қаласы ПД Есірткі қылмысына қарсы іс-қимыл басқармасының аға жедел уәкілі, полиция подполковнигі Ләйлә Ғадылқызы Рахимова да қатысып, жастарға құқықтық сауаттылық пен қауіпсіз өмір салтын ұстанудың маңызын атап өтті.

Жастар спортшыларға сұрақтарын қойып, ашық диалог форматында еркін пікір алмасты. Шара соңында естелік фотосуреттер жасалып, қатысушылар бойына күш-қуат пен шабыт жинады.