№3 Қалалық емханада жастардың денсаулығын нығайтуға бағытталған іс-шаралар жалғасуда. Соның бірі — №39 кешкі мектептің оқушыларына арналған «Туберкулездің алдын алу» атты семинар. Кездесуді МЦЗ «ЖасТолқын» дәрігер-дерматовенерологы Бостанов Санат жүргізді. Ол жасөспірімдерге туберкулездің алғашқы белгілері, аурудың таралу жолдары мен алдын алу шаралары жөнінде кеңінен баяндап, денсаулықты ерте жастан қорғаудың маңыздылығын атап өтті.

Семинар барысында туберкулезді танудың қарапайым тәсілдері, жыл сайынғы профилактикалық тексерулердің қажет екендігі және дұрыс өмір салтына бейімделудің маңызы талқыланды. Оқушылар дәрігерге көкейіндегі сұрақтарын қойып, ауруды тез анықтау мен оны емдеудегі заманауи мүмкіндіктер жайында мәлімет алды. Сондай-ақ, вакцинаның рөлі мен жеке гигиенаны сақтаудың қаншалықты маңызды екеніне ерекше тоқталды.

Семинарды ұйымдастырушылар оқушыларды салауатты өмір салтына шақырып, дұрыс тамақтану мен спортпен шұғылданудың тиімділігін түсіндірді. №3 Қалалық емхана мен «ЖасТолқын» жастар денсаулық орталығы осындай кездесулерді жалғастырып, болашақ ұрпақтың денсаулығын қорғауға белсене атсалыса бермек. Бұл бастама жасөспірімдердің өз денсаулығына деген жауапкершілігін оятып, туберкулез сынды қауіпті ауруларды дер кезінде анықтап, емдеуге мүмкіндік береді.