«Денсаулық жаннан басталады»: №3 қалалық емханада психологиялық қолдау көрсетілуде

№3 қалалық емханада пациенттердің психологиялық жағдайын жақсартуға бағытталған жаңа жоба іске қосылды. «Жас толқын» МЦЗ психологы Ильяшова Д.Ж. мамандарға жазылып, кезек күтіп тұрған пациенттермен жеке сұхбат жүргізіп жатыр.

Жобаның мақсаты – пациенттерге ыңғайлы атмосфера жасау және медициналық көмек алу кезінде психологиялық қолдау көрсету. Сұхбат барысында пациенттер өздерінің денсаулығына байланысты алаңдаушылықтарымен, қорқыныштарымен және толқуларымен бөлісе алады. Психолог оларға эмоционалдық кернеуді жеңуге, бейімделу қабілетін арттыруға және қиындықтарды жеңу үшін ішкі ресурстарды табуға көмектеседі.

«Көбінесе ауру стресс пен алаңдаушылықтың себебі болады. Дәрігерге жазылып, кезек күтіп тұрған пациенттер толқу мен анықсыздықты сезінеді. Біздің сұхбаттарымыз оларға осы сезімдермен күресуге және оң көзқарас қалыптастыруға көмектесуге бағытталған», – дейді психолог Ильяшова Д.Ж.

Бұл қызметті пайдаланған пациенттер оның оң әсерін атап өтті. «Психологпен сөйлесуге мүмкіндік алғаныма өте ризамын. Бұл маған тынышталып, дәрігерге жазылуға дайын болуға көмектесті», – деп өз әсерімен бөлісті пациенттердің бірі.