Көңіл-күйіңізді өзіңіз басқарыңыз: емханадағы психологиялық көмек

"Жас толқын" жастар денсаулық орталығының психологы Диана Ильяшова №3 қалалық емхананың пациенттері мен келушілері үшін психологиялық кеңес беру сериясын өткізді. Дәрігерге жазылу кезегін күтіп тұрған кезде психолог адамның көңіл-күйін жақсартуға және стресспен күресуге көмектесетін қарапайым әдістермен бөлісті.

"Көбінесе емханаға бару мазасыздық пен алаңдаушылықпен байланысты, – дейді Диана Ильяшова. – Мен адамдарға мұндай жағдайда да өздігінен эмоционалды жағдайын қолдаудың жолдарын табуға болатындығын көрсеткім келді".

Кездесулер барысында психолог стресс біздің денсаулығымызға қалай әсер ететіні және теріс эмоциялармен күресуге көмектесетін қарапайым әдістер туралы айтып берді. Қатысушылар тыныс алу жаттығулары, медитация туралы біліп, сонымен қатар позитивті ойлаудың маңыздылығын түсінді.

"Өз көңіл-күйімді қалай жақсартуға болатынын біліп таң қалдым, – деп бөлісті пациенттердің бірі. – Бұл кеңестер күнделікті өмірде өте пайдалы".

ЖДО мамандарының сенімінше, осындай іс-шаралар емханадағы жағдайды жақсартып, медициналық көмектің сапасын арттыруға ықпал етеді.

Сондай-ақ, психолог ЖДО туралы жалпы ақпарат және сенім телефонның нөмірі көрсетілген ақпараттық брошюралар таратты. Еске сала кетейік, ЖДО-дағы қабылдау МӘМС аясында толықтай тегін жүргізіледі.

@msqory.astana @msqory_astana
#ОСМС #МӘМС #жастолқын #осмсастана #мәмсастана #конкурс #лидерпмсп