Стресс маңызды емес: жас спортшыларға арналған психологиялық тренинг

"Жас толқын" жастар денсаулық орталығының психологы Динара Ильяшова Қ. Мұнайтпасов атындағы Республикалық мамандандырылған спорт мектебі-интернаты-колледжінің оқушыларына арнап "Стресс – бәрібір емес, өйткені жанымда достарым бар" тақырыбында арнайы тренинг өткізді. Шара жас спортшылардың психологиялық тұрақтылығын дамытуға және стрестік жағдайлардан шығу дағдыларын қалыптастыруға бағытталды.

Тренинг барысында спортшылар эмоциялық интеллектті дамытуға, стресспен күресуге және өзара қарым-қатынас орнатуға бағытталған әртүрлі интерактивті жаттығуларға қатысты. Психолог оларға қиын жағдайда тыныштық сақтауға көмектесетін тиімді релаксация және медитация әдістерін үйретті.

"Спорт – бұл тек физикалық жаттығулар ғана емес, сонымен қатар үлкен психологиялық сынақ, – дейді психолог Динара Ильяшова. – Бұл тренинг жас спортшыларға эмоционалды тұрақтылықты дамытуға, стресспен күресуге және қойған мақсаттарына жетуге көмектесуге арналған".

Тренинг қатысушылары барлық тапсырмаларды үлкен қызығушылықпен орындап, көтерілген мәселелерді белсенді түрде талқылады. Олар алған білімдері мен дағдылары спортта ғана емес, күнделікті өмірде де пайдалы болатынын атап өтті.

"Мен жарыс алдында тыныштық сақтауға көмектесетін көптеген пайдалы әдістерді үйрендім, – деді спортшылардың бірі. – Енді мен толқумен қалай күресуге және жеңіске ұмтылуға болатынын білем".

"Жас толқын" жастар денсаулық орталығы спортшылар үшін осындай тренингтерді үнемі өткізіп тұрады, өйткені психологиялық денсаулық жоғары нәтижеге жету үшін өте маңызды екенін түсінеді.

Сондай-ақ, психолог болашақ спортшыларға "Жас толқын" ЖДО жанынан 8 (7172) 54-70-23 сенім телефон жұмыс істейтінін айтты. Қоңырау анонимді және құпия сақталады. Ал ЖДО-дағы барлық медициналық көмек МӘМС аясында, яғни мүлдем тегін көрсетіледі.

@msqory.astana @msqory_astana
#ОСМС #МӘМС #жастолқын #осмсастана #мәмсастана #конкурс #лидерпмсп