Тәуелділікке түспеудің жолы қандай? Дәрігер студенттерге кеңес берді

Қазпотребсоюз жоғары колледжінде денсаулықты сақтау саласының маманы Азат Нұрмағамбетов жастар арасындағы есірткі мен алкогольге тәуелділіктің алдын алуға арналған семинар өткізді. Бұл шара алкогольден бас тарту күніне орай ұйымдастырылған республикалық акцияның бір бөлігі болды.

Дәрігер студенттермен кездесуде есірткі мен алкогольдің адам ағзасына тигізетін зияны, тәуелділіктің психологиялық және әлеуметтік салдары туралы айтып берді. Ол есірткі мен алкогольді қолданудың алғашқы белгілерін қалай анықтауға және бұл мәселемен бетпе-бет келген адамға немесе жақындарына қалай көмек көрсетуге болатындығына ерекше тоқталды.

«Жастар тәуелділікке шалдығуға өте бейім келеді, – деді Азат Нұрмағамбетов. – Сондықтан жастарға саналы өмір салтын таңдауға көмектесетін алдын алу шараларын жүргізу өте маңызды».

Семинар барысында студенттер белсенді пікірталасқа қатысып, сұрақтар қойып, өз ойларымен бөлісті. Дәрігер есірткі мен алкогольге тәуелділіктің алдын алу – бұл тек медицина қызметкерлерінің ғана емес, әрбіріміздің міндеті екенін атап өтті.

«Жастардың айналасында спортты, шығармашылықты және қарым-қатынасты бағалайтын сау атмосфера қалыптастыру қажет, – деп есептейді Азат Нұрмағамбетов. – Тек осылай ғана балаларымызды бұл қауіпті жағдайдан қорғай аламыз».

Дәрігер "Жастолқын" ЖДО жанынан сенім телефоны жұмыс істейтінін еске салды. 8 (7172) 54-70-23 нөмірі бойынша жасырын түрде кеңес алуға болады. ЖДО-да қызмет көрсету МӘМС шеңберінде жүзеге асырылады

Әлеуметтік медициналық сақтандыру қорының Астана қалалық филиалы @msqory_astana
#ОСМС #МӘМС #жастолқын #осмсастана #мәмсастана #конкурс #лидерпмсп