Менеджмент, бизнес және білім колледжінде репродуктивті денсаулық сақтау мәселесіне арналған семинар өтті

Колледждің профилактика және әлеуметтік-психологиялық көмек бөлімінің и.а. меңгерушісі Динара Түсіпбекованың бастамасымен студенттер арасында репродуктивті денсаулық сақтау туралы маңызды семинар өтті.

Семинар барысында қатысушылар қауіпсіз жыныстық қатынас, контрацепция әдістері және ерте жүктіліктің алдын алу туралы толық ақпарат алды. Спикер отбасын жоспарлауға және әр адам үшін өте маңызды болып табылатын репродуктивті денсаулықты сақтауға жауапкершілікпен қарау қажеттігін атап өтті.

«Контрацепция әдістері туралы білім және оларды дұрыс қолдану – бұл тек қана жоспарланбаған жүктіліктен сақтану ғана емес, сонымен қатар жыныстық жолмен берілетін түрлі аурулардың алдын алудың да бірден-бір жолы», – деп атап өтті Д. Түсіпбекова.

Семинар қатысушылары контрацептивті құралдарды таңдау, олардың тиімділігі және жанама әсерлері туралы белсенді сұрақтар қойды. Спикер барлық қызықты сұрақтарға толық жауап беріп, әр адам дәрігермен кеңескеннен кейін өзіне ыңғайлы контрацепция әдісін таңдауы керектігін атап өтті.

Сондай-ақ, Д. Түсіпбекова №3 қалалық поликлиникасында кез келген жасөспірім өзінің денсаулығы туралы толық және жан-жақты ақпаратты, соның ішінде анонимді түрде алуға болатын «ЖасТолқын» жастар орталығы жұмыс істейтінін атап өтті. Сонымен қатар, орталықта психолог және юрист бар, олар қажет болған жағдайда жастарға кеңес бере алады.

««ЖасТолқын» жастар орталығында жастар ОСМС аясында тегін медициналық қызмет алуға мүмкіндік алады. Орталыққа бару – әрбір адамның еркін таңдауы. Маңыздысы, бізде құпиялылық қатаң сақталады: келушілеріміз айтқан кез келген ақпарат мұнда қалады», – деп атап өтті Д. Түсіпбекова.

@msqory_astana
#ОСМС #МӘМС #жастолқын #осмсастана #мәмсастана #конкурс #лидерпмсп