Қалалық емхана №3 әлеуметтік-психологиялық көмек бөлімінің салауатты өмір салты дәрігері Азат Нұрмағамбетов Қазтұтынуодағы Жоғары колледжінің студенттеріне «Дұрыс тамақтану қағидаттары» тақырыбында ақпараттық семинар өткізді. Бұл іс-шара Дүниежүзілік инсультпен күрес күніне арналған Ұлттық бағдарлама аясында ұйымдастырылды.

Семинар барысында Азат Нұрмағамбетов дұрыс тамақтанбаудың әртүрлі ауруларға, соның ішінде инсультке әкелетінін түсіндірді. Ол теңгерімді тамақтанудың маңыздылығына тоқталып, көкөністер, жемістер, бүтін дәнді өнімдер мен пайдалы майлардан тұратын мәзірдің артықшылықтарын атап өтті. Сонымен қатар, маман дұрыс тамақтану тәртібін құру және пайдалы жеңіл тағамдарды таңдау бойынша тәжірибелік кеңестерімен бөлісті.

Студенттер талқылауға белсенді қатысып, сұрақтар қойып, өздерінің тамақтану дағдыларымен бөлісті. Семинар тек білім берумен шектелмей, салауатты өмір салтын ұстану мен аурулардың алдын алу үшін дұрыс тамақтанудың маңызын айқындаған шабыттандыратын шара болды.

Дәрігер "ЖАС ТОЛҚЫН" жастар денсаулық орталығында жастарға медициналық-психологиялық көмек МӘМС шеңберінде, яғни тегін және еріктілік, қолжетімділік, ізгі ниет пен сенім қағидаттарында көрсетілетінін атап өтті. Сонымен қатар, ол орталықта сенім телефоны бар екенін еске салды: 8 (7172) 54-70-23, онда психологиялық қолдау алу үшін 14-35 жас аралығында жүгінуге болады. Қоңырау жасырын және қатаң құпия болып табылады.

Әлеуметтік медициналық сақтандыру қорының Астана қалалық филиалы @msqory_astana

#ОСМС #МӘМС #жастолқын #осмсастана #мәмсастана #конкурс #лидерпмсп