Дүниежүзілік психикалық денсаулық күні қарсаңында «Жас-Толқын» ЖДО қызыметкерлері «Қызмет көрсету және туризм колледжінің» 2-курс студенттеріне арналған тренинг өтткізді. Психолог Д.Ж. Ильясованың басқаруымен өткен тренингте қазіргі қоғамдағы этика мен әдеп нормаларының маңыздылығы талқыланды.

«Сыпайлық – сұлулықтың белгісі, адамгершілік негізі» деген ұранмен жиналған жастар арасындағы қарым-қатынас, коммуникация және мінез-құлық этикасының өзекті мәселелері талқыланды.

Тренинг барысында студенттер өзгелерге сыпайы және көңіл бөлудің маңыздылығын, конструктивті диалог құру және жанжалды шешу жолдарын үйренді. Психолог жастарға өзіне сенімді болуға және қарым-қатынаста сәтті болуға көмектесетін практикалық кеңестер мен әдістермен бөлісті.

«Сыпайылық – бұл тек жақсы тәртіп емес, бұл басқа адамдарға деген құрметтің көрінісі. Әлеуметтік желілерде көп уақыт өткізетін қазіргі заманда тікелей қарым-қатынас жасау, әмпатия мен қайырымдылық көрсету өте маңызды», – деп атап өтті Д.Ж. Ильясова.

Мұндай іс-шаралар жастарға болашақта өмір мен кәсіби қызметте пайдалы болатын оң құндылықтар мен дағдылар қалыптастыруға көмектеседі.