Күнделікті өмірде жарақат алудан қалай сақтануға болады?

Жарақат алу – бұл кездейсоқтық емес, көбінесе сақсыздықтың немесе қарапайым қауіпсіздік ережелерін білмеудің салдары. 3-қалалық поликлиниканың профилактика және әлеуметтік-психологиялық көмек бөлімінің дәрігері Азат Нұрмағамбетов қызмет көрсету және туризм колледжінің 1-курс студенттеріне «Жарақат алдын алу» тақырыбында семинар өткізді.

Азат Нұрмағамбетов күнделікті өмірде, көшеде, көлікте немесе белсенді демалыс кезінде жарақат алудан қалай сақтануға болатынын түсіндірді. Атап айтқанда, төтенше жағдайларда өзін қалай ұстау керек және қыс мезгілінде дұрыс аяқ киім кию немесе спортпен шұғылдану кезінде қорғаныш құралдарын пайдалану сияқты қарапайым сақтық шараларын сақтаудың маңыздылығына баса назар аударды.

Семинарда сонымен қатар жарақат алған кездегі алғашқы көмек көрсетудің практикалық кеңестері мен тұрмыстағы апатты жағдайлардың алдын алу жолдары қарастырылды. Студенттер жарақат алудың алдын қалай алуға болатынын ғана емес, сонымен қатар қауіпсіздік – бұл күрделі ғылым емес, өзімізге және айналамыздағыларға деген күнделікті жауапкершіліктің бір бөлігі екенін түсінді.

Өзіңізді және жақындарыңызды абайлаңыз: профилактика емдеуден әлдеқайда оңай!