«Жас толқын» жастар денсаулық орталығыныңі және профилактика және әлеуметтік-психологиялық көмек бөлімінің мамандары Отбасы күніне орай «Саламатты ұрпақ» атты спорттық шараны ұйымдастырды. Негізгі мақсат – қалалық поликлиника қызметкерлері арасында саламатты өмір салтын насихаттау болды.

Бағдарламаның негізгі бөлігі – барлық жастағы адамдар үшін қолжетімді және тиімді физикалық белсенділік түрлерінің бірі болып саналатын скандинавиялық жүріс бойынша жаттығу болды. Мамандар сонымен қатар бұлшық еттерді нығайтуға және икемділікті жақсартуға арналған жаттығулардан тұратын жалпы дене шынықтыру жасады. Шараға қатысушылар скандинавиялық жүріс техникасын меңгеріп, физикалық белсенділікті сақтау бойынша ұсыныстар алды.

Поликлиника қызметкерлерінің белсенді қатысуы отбасылық және ұжымдық спорттық шаралардың денсаулықты нығайтуға және отбасындағы татулықты сақтауға ықпал ететіндігін көрсетеді.