Қазіргі заманда денсаулық мәселелері өте өзекті болып отырған жағдайда, жыныстық жолмен берілетін инфекциялардың (ЖЖБИ) алдын алу ерекше маңызға ие болып отыр. Бұл орайда, Бостанов С.Ж. дерматовенеролог дәрігерінің «Жас толқын» халықаралық лингвистикалық колледжінде өткізген семинары жастардың бұл мәселе туралы хабардарлығын арттырудағы маңызды қадам болды.

Студенттер мен оқытушылар жиналған іс-шарада Бостанов С.Ж. ЖЖБИ-дың түрлі түрлері, олардың белгілері және салдары туралы толық мәлімет берді. Әсіресе, қауіпсіз жыныстық қатынас және үнелі медициналық тексеруден өтудің маңыздылығын қамтитын профилактика әдістеріне ерекше назар аударылды. Дәрігер ерте диагностика және емдеу асқынулар мен инфекцияның таралу қаупін айтарлықтай төмендететінін атап өтті.

Семинар тек білім беру алаңы ғана емес, сонымен қатар студенттердің өз денсаулығына қатысты өзекті сұрақтар қойып, талқылау мүмкіндігі болды. Нәтижесінде қатысушылар өз денсаулығы мен айналасындағылардың денсаулығына қамқорлық жасауға көмектесетін бағалы білім алды.