"Жас Толқын" жастар денсаулық орталығының дерматовенеролог дәрігері Бостанов С.Ж. медициналық-техникалық колледжде "Тері және тырнақ саңырауқұлақ аурулары" тақырыбында семинар өткізді. Іс-шара барысында студенттерге кең тараған микоздар, олардың белгілері, диагностика және емдеу әдістері туралы толық ақпарат берілді.

Саңырауқұлақ инфекцияларының алдын алуға ерекше көңіл бөлінді. Жеке бас гигиенасын сақтау, тері мен тырнаққа дұрыс күтім жасау және қоғамдық орындарда жеке қорғаныс құралдарын пайдалану сияқты алдын алу шаралары туралы айтылды. Бостанов С.Ж. аурудың алғашқы белгілерінде маманға дер кезінде қаралудың маңыздылығын атап өтіп, асқынулардың алдын алу және инфекцияның одан әрі таралуын болдырмау қажеттілігін ескертті.

Семинар студенттер арасында үлкен қызығушылық тудырды, бұл талқыланған тақырыптың медициналық практикадағы маңыздылығы мен өзектілігін дәлелдейді.